Un pouco de nós

Foron longas xornadas de traballo en Comunicación Audiovisual, cando 20 persoas se reuniron e unhas dixeron: e se…? E foi rápido o tempo que pasou no que esas suposicións comezaron a tomar forma e volverse realidade.

O equipo de Cousa de Meigas está conformado por varios profesionais do sector que viron a necesidade de contar as pequenas curiosidades e difundir as noticias menos valoradas na actualidade e decidiron centrarse na esotérica Galicia.

O magacín “Cousa de Meigas” é o froito do duro traballo de varias persoas que realizaron unha escaleta enfocada exclusivamente aos feitos paranormais e metafísicos galegos, desde o folclore ata a astroloxía.

Noticias, entrevistas cualificadas, reportaxes, actuacións musicais… cun lixeiro tinte escuro e máxico, é todo o que se poderá atopar neste magacín semanal para primetime o próximo 10 de novembro.